28 de Juñu

Jose Luis; Timor Leste Manan Mongolia ho Pasaporte Falsu

Dili- Direitur Asia Justice and Right (AJAR) José Luís de Oliveira la orgullu ho vitoria ne’ebe ekipa nasional Timor-leste hetan bainhira kompete iha eventu pra-kualifikasaun kopa Mundial 2018 ne’ebe manan ho aggregat 5-1.

“Hau sente kontenti nu’udar Timor oan, hare ita nia ekipa manan iha jogu, mas la orgullu hanesan Timor oan, tanba ita manan la ho ita nia kosar ben tomak,” Dehan Luis ba jornalista CJITL iha edifisio AJAR-Farol, Sexta,(20/03/15).

Ativista Direitos Humanos Timor oan ne’e mos akresente liu tan katak  se iha jogador estranjeiru iha ekipa nia laran, maka nia konsidera hanesan marsineiru ka tentara bayaran, tanba mai defende estadu tanba selu sira, laos defende estadu ho laran tomak, maibe efende tanba osan, se osan laiha sira la mai defende.

“Buat seluk hau mos la sente orgulu ba ekipa ne’e tanba resultadu ita manan ne’e iha potensia atu ema anula, tanba bainhira iha buat ruma ne’ebe ke ita halo  ho meios ka maneira falsu  tanba falsifikasaun, tuir lei resultadu  ne’e la vale, ema bele anula, tamba jogador brazileiru sira ne’e nia passaporte ne’e falsu,” hatutan Jose Luis.

Alende ne’e iha regulamentu FIFA ne’ebe  mos  permite  jogador internasional  bele sai jogador nasional maibe nia prosesu ne’e maka, nia tenki joga durante tinan tolu iha kompetisaun nasional.

“Ema ne’e foin mai iha fevereiru, Sico Kalbuady maka lori sira ba iha Direktur Nasional  rejistu  notariadu  hodi hasai pasaporte ne’e, ne’e passaporte falsu   no krime  kodigu penal ne’e regula , buat ne’ebe ita halo falsu ne’e krime, agora hau atu orgullu saida, hau konsidera ne’e   hanesan klubu ida de’it laos ekipa nasional.

Entertantu ho lian makaas Direktus AJAR hateten katak ema ne’ebe halo falsifikasaun dokumentus, ema ne’e laiha patriotismu, tanba ne’e Jose Luis prefere diak liu lakon ho kosar ben nudar Timor oan rasik duke manam ho falsu. (Adry/CJITL)

Naran:
email:
Pub

Meteorolojia