25 de Novembru

Timor Leste Sei “Mout”, Tinan 2016 Kampu Mina Kitan Sei Maran

Dili-Iha posibilidade futuru Timor Leste  nia osan sei hotu, tamba durante ne’e Estado Timor Leste depende liu ba rendimentu husi fundu mina rai nian hodi sustenta ba dezenvolvimentu ekonomia nasaun nian, nasaun bele mout bainhira laiha investimentu sustentavel ba rendimentu atual.

Charles Scheiner, Peskizador Lao Hamutuk ne’ebe trata assuntu ekonomia, hateten ida ne’e iha intervista exlusivo ho CJITL iha nia knar fatin Bebora, Sesta (10/04).

La’o hamutuk iha nia estimativa katak nasaun ne’e nia osan sei hotu bainhira osan mina no gas husi tasi timor la investe iha area sustentavel sira hanesan agrikultura, tamba oras oras ne’e mais ou menus porsentu ualu nolu reisn lima (85 %) Orsamentu Jeral do Estadu (OJE) mai husi rendimentu mina no gas.

Peskizador ne’e haforsa tan katak tuir dadus grafiku husi Ministerio Finansas no husi Administrasaun Informasaun Energia (EIA) husi Estadus Unidus Amerika halo projeksaun ida ba folin mina ne’ebe mak tun iha tinan ida ne’e fo influensia bo’ot tebes ba rendimentu mina no gas ne’ebe Timor iha.

Iha Abril 2014 folin mina rai ne’ebe ho folin $108 kada barel hahu tu’un ba $50 kada barel iha tinan 2015.

Alende mina folin tun, produsaun husi mina iha kampu rua ne’ebe hatama reseitas, hanesan Bayu Undan no Kitan komesa menus produsaun.

Inpaktu bo’ot ba Timor Leste mak Produsaun kampo mina Kitan sei maran iha tinan oin (2016), no kampu Bayu Undan sei maran iha tinan 2022” hatutan Charles.

Iha fatin hanesan, Charles hatutan tan katak mudansa de moeda mos fo impaktu ba reseita ne’ebe nasaun ne’e hetan husi fa’an mina, tanba valor troka osan rupiah (Rp) ho dolar (USD), ho nasaun sira seluk ne’ebe mak importasasan mai Timor Leste  a’as tebes, ezemplu iha Abril 2014 valor troka RP11,5/1 dolar no iha Febreiro 2015 valor troka Aumenta a’as to’o RP13,25/1 dolar.

Tuir Charles, tuir dadus ikus ne’ebe La’o Hamutuk asesu katak agora dadauk orsamentu fundu petroliferu ne’ebe  husi reseita mina no gas ne’ebe depozita iha Tezoreiru Estado Unidos Amerika  hamutuk biliaun sanulu resin ne’en pontu hitu dolar amerika ($16,7 billion) ne’ebe bele halo investimentu bo’ot ba area sustentavel hanesan agrikultura.

Iha parte hanesan, nia sugere ba governu atu poupa osan no hamenus despeza ba viajen ukun nain sira ba estrangeiros, altera lei pensaun vitalisia no presiza kria planu ne’ebe feito ba mega projeito hanesan  ba Tasi Mane,  Zona Espesial Eksklusivo Merkadu Sosial (ZEEMS) iha Oe-kusi, Portu Tibar no Dili molok hasai osan povu nian.

CJITL nia reporter tenta ona atu halo konfirmasaun ho Jerente Banku Central no Prezidente Kompanhia Timor Gap, maibe ema na’in rua ne’ebe temi la disponivel atu fo intervista ba CJITL.  

“Xefe okupadu, depois iha tempu mak telefone ita bo’ot mai intervista deit” hateten resepsionista iha Sekretariadu Banku Sentral no Timor Gap nian. (CJITL/*Nico/email: alumni.timor@gmail.com)

Noticia relevante seluk kl'ik iha NE'E.

Naran:
email:
Pub

Meteorolojia