17 de Outubru

Vendedores Manatuto Keixa Autoridade Municipiu ba PN

Dili, Vendedores ne’ebe halo negosiu iha Suku Ai-lili, Postu Administrativu Manatuto Vila halo keixa sira nia autoridade municipiu ba Parlamentu Nasional - PN relasiona ho politika vendedores husi merkadu tuan ba merkado foun ne’ebe la priense kondisaun minimu.

Reprezentante Negosiante, Simplicio da Costa hato’o keixa ne’e ba Komisaun B, Parlamentu Nasional hafoin autoridade local iha nia municipiu foti desizaun obrigatoriu atu muda vendedores sira ba merkado ne’ebe hari’i do’ok husi komunidade no laiha asesu estrada no saneamentu.

Simplicio hateten, apressia ho politika governu nian atu harii munisipiu ne’e diak maibe tenki kria kondisaun ida ne’ebe kondisional atu nune’e povu bele faan produtu  local hodi hetan rendimentu atu sustenta familia.

“Tamba saida estadu urjente muda ami merkadu tuan muda ba merkadu foun, maibe fatin ne’ebe governu harii ne’e la favoravel, be laiha, haris fatin laiha, estrada laiha no dook husi movimentu  komunidade manatutu nian” hateten Costa ba Reporter CJITL nian hafoin  hasoru malu direitamente ho Prezidenti Parlamentu Nasional iha Uma Fukun, Segunda feira ne’e (30/3).

Hatan ba keixa ne’e, Deputadu PN husi komisaun D ne’ebe trata  asuntu dezenvolvimentu no ekonomia, Aurelio Freitas Ribeiro hateten politika atu muda merkadu ne’e diak tamba besik Estrada, nia la konkorda ho politika ne’e bainhira konsidaun baziku la prepara iha merkado foun.

“Politika atu muda ne’e diak maibe merkado foun tenki asesu ba dalan maka ema bele la’o ba  mai hodi hola sasan, presiza mos  be no harii haris fatin ne’ebe diak ba sira” hateten Aurelio.

Nia mos husu ba ministeriu kompetente atu kria kondisaun ne’ebe kondisional ba negosiante sira antes haruka sira muda ba merkadu foun ne’e.

To’o noticia ne’e hatun, reporter CJITL seidauk halo konfirmasaun ho autoridade local husi Municipiu Manatuto no Ministeriu ne’ebe relevante. (Judas ho Otnomen/CJITL)

Naran:
email:
Pub

Meteorolojia