24 de Outubru

La’o Hamutuk Hateten Liafuan Ne’e Hodi Simu Hasoru Kritika Deputada PN

Dili, Relasiona ho kritikas husi Deputada Bankada Conselhu Nasional Rekonstrusaun  de Timor - CNRT, Brigida Antonia Correia iha Parlamentu Nasional (PN) foin lalais ne’e, ne’ebe husu atu publiku lalika fiar ONG Lao Hamutuk ne’e nia propaganda tamba sira laos ema tekniku ne’ebe mak hatene kona ba mina bainhira mak maran, ONG ne’e fo nia direito resposta katak organizasaun refere konhece didiak tebes rasionalidade industria mina.

Tuir peskizador ekonomia Lao Hamutuk Juvinal Dias hatutan katak La’o Hamutuk laiha Enjineiru petroliu nian maibe sira kompriende servisu mina nian, “ami intendu no kompriende didiak rasionalidade ba industria mina nian” hateten juvinal ba CJITL iha Timor Plaza, Quinta (14/05).

Tuir Juvinal katak  mina barak sorte diak ba Timor Leste maibe kuando mina maran povu mak terus, tamba deputadu sira simu osan pensaun vitalisia, simu kareta pradu, povu kontinua moris terus tamba laiha garante de vida” hatutan Peskizador ne’e.

Antes ne’e, deputada Jacinta Abucau Pereira mos hateten katak keta laran taridu karik mina Tasi Timor atu maran tamba Timor Leste nia rikeza barak mak seidauk deskobre.

Nune’e mos ho deputada Brigida mos hateten atu keta fiar NGO Lao Hamutuk nia propaganda, tamba Timor Leste laos depende deit ba mina husi kampo Bayu Undan no Kitan. (Niko/CJITL, Email: alumni.timor@gmail.com)

Naran:
email:
Pub

Meteorolojia