19 de Agostu

Projeitu PNDS, Xefe Suku Hateten, "Ami Kontrola Los Deit"

Dili, Programa Nasional Desemvolvimento Suku-PNDS ne’ebe antes ne’e implementa iha teritoriu Timor Leste hetan dadauk testamunha ne’ebe la hanesan husi Xefe Suco sira ne’ebe sai benefisiariu.

Antonio Maia Dos Santos hanesan Xefi Suku Estado, Municipio Ermera ba jornalista CJITL via telefone, Tersa, (21/4) haktuir katak ekipa PNDS rasik mak implementa no kaer obra, nia hanesan autoridade local halo deit kontrola tamba planu no implementasaun la’os nia mak kaer.

“Ami hetan osan hamutuk 50 mil de dolares, projeito ne’ebé hala’o iha Suku Estado primeira fase kuaze 100 % ne’ebé halo ona centru komonitario rua, no faze segundo tama iha implementasaun ne’ebé sei hala’o ba estrada no ponte ne’ebe pendent hela tamba orsamentu ba primeira faze sei iha restu.” Haktuir Antonio.

Alende ne’e iha parte seluk via telefhone mós, Afonso Soarea Lemos, Xefi Suku Raimerhei, Municipio Ermera fo testamunha katak iha suku refere orsamentu 50 mil  fahe ba parte rua hanesan; 44 mil ba insfrastutura 5 mil ba operasional  halo cede aldeia, dada bé no halo ponte iha mota laran.

“Trabalhadores sira  iha suku laran ne’ebe halo servisu ba projeito ne’e tuir deit dezenho ne’ebé tekniko husi PNDS halo tiha ona no ami hanesan Xefe Suco halo kontrola deit.” Afonso haktuir.

CJITL kontinua monitoriza implementasaun PNDS, maske dadaun ne’e paradu hela hafoin hetan orientasaun husi Ministru Planeamentu no Investimentu Estratejiku, Xanana Gusmao.

Tuir planu, Programa PNDS ne’ebe antes ne’e iha Ministerio Estatal nia okos se muda ba Ministru Xanana Gusmao nia okos tuir linha koordenasaun ministerial foun ne’ebe hasai husi VI Governu Konstitusional. (Jinha & Ade/CJITL)

Naran:
email:
Pub

Meteorolojia