19 de Agostu

Governu Distritu Aceh Norte “Tara” Bandu ba Joven Feto no Mane

Indonezia, Governu Distritu Aceh Norte iha Indonezia, liu husi membru uma fukun ou Dewan Perwakilan Rakyat Kabupaten (DPRK) aprova ona lei ida iha loron 30 Abril 2015 hodi bandu joven feto ho mane ne’ebe maske namora maibe seidauk kaben atu labele sa’e motor hamutuk no hakuak malu iha motor leten iha dalan.

Fauzan Hamzah, Cefe legislative DPRDK Aceh Norte hateten ba media katak komesa iha loron 1 Maiu distritu ne’ebe ho populasaun mais ou menus rihun atus lima ne’e tenki kumpri ordem Estrada nian hodi feto ho mane ne’ebe seidauk kaben tuir reliziaun musulmanu nian atu labele sa’e motor hamutuk.

“Dalaruma sira hakuak malu, hatais ropa ne’ebe nakloke liu la respeita reliziaun nia lalaok, tan ne’e regulamentu foun ne’e halo atu ema hotu tuir nafatin doutrina musulmanu nian konaba labele kaer ema seluk nia isin kuando seidauk kaben.” Fauzah hateten iha media Indonezia nian ida ne’ebe CJITL asesu.

Tuir Fauzan, sidadaun ne’ebe la halo tuir regulamentu ne’e sei hetan sansaun forte inklui hasai husi distritu Aceh Norte nian. (*/CJITL)

Naran:
email:
Pub

Meteorolojia