21 de Jullu

Sidadaun Estranjeiru Na’in 20 Husi Nasaun 6 Tama Prizaun Becora

Dili- Direitor Municipio Estabelecimento Prisional, João Domingos konfirma katak  husi dadur na’in atus haat lima nulu resin hitu (457) ne’ebe oras ne’e dadaun kastigu hela  iha prisaun Bekora, na’in rua nulu (20) husi sidadaun estranjeiru.

Ba Reporter CJITL, Sexta feira (10/4), João haktuir katak  dadur ne’ebe iha prisaun Bekora ne’ebe hetan ona  sentensa hamutuk na’in 352 no preventiva na’n 105.
Husi dadur sira ne’e, kondenado minoridade na’in 31, Eis membru Falintil Forca Defesa Timor Leste (F-FDTL) na’in 1, Eis membru Polisia Nasional Timor Leste (PNTL) na’in 8, no dadur estranjeiro na’in 20.

Dadur estranjeiru hirak ne’e kompostu husi nasaun  Indonesia na’in sanulu resin ida (11), Filipina na’in  ha’at (4), Singapura na’in ida (1), Xina na’in  rua (2), Portugal na’in  ida (1) no Autralia na’in ida (1).

Entertanto dadur estranjeiru ne’ebe kastigu iha komarka refere mai ho kazu droga hamutuk  Indonesia na’in 5, Timorense na’in 4 Singapura na’in 1 no Xina na’in 1.
Iha kazu seluk ne’ebe  dadur estranjeiru sira komete maka  tentetiva seksual husi Indonesia na’in 3, kazu homesidio husi Filipina na’in 4, trafiku umanu husi Xina na’in 1, brankeamentu capital na’in 1 husi Portugal.

Alende ne’e  director ne’e haktuir tan katak, iha prisaun bekora iha blok 10, husi blok sanulu ne’e iha mozsblok rezerva maka blok A no B, enkuantu iha blo G  ba joven minoridade husi tina 21 mai kraik.

Direktor Jõa esplika tan karak  entre kazu hirak ne’e nia garfika aas liu iha prisaun bekora maka Humisidio no violasaun seksual.

Relasiona ho dadur ne’ebe nakonu iha Prisaun bekora, reporter CJITL tenta atu hatene prosesu konstrusaun komarka foun iha Suai, maibe direitor ne’e hateten katak  nia la hola parte iha konstrusaun no mos la hatene kompanhia ne’ebe mak kaer projetu refere, maibe so simu informasaun deit katak konstrusaun ba komarka foun iha suai ne’e atinji ona porsentu 60%.

Prizaun Nakonu ho Ema 544, Governu Hari Komarka Foun

Direitor Nasional  Servisu Prizaun, Ministeriu Justica, Helder  Cosme Marsal Belo konfirma katak dadur na’in atus ida rua nulu (120) oras ne’e seidauk simu nia sentensa husi  dadur na’in atus lima ha’at nulu resin ha’at (544) ne’ebe oras ne’e halo nakonu Prizaun Gleno no Prizaun Becora.

Ba Reporter CJITL, Kuarta feira ne’e (8/4), Helder haktui katak dadaun ne’e Ministeriu Justica rejista dadur hamutuk na’in atus lima ha’at nulu resin ha’at (544) ne’ebe kompostu husi Prizaun Gleno rejista dadur na’in ualo nulu resin hitu (87) no Prizaun Becora rejista dadur na’in atus ha’at lima nulu resin hitu (457).

“Dadur ne’e husi tinan ba tinan aumenta hela deit no dadur aktual 2015 ne’e ita  iha gleno sentensa iha  74 no preventiva  13 total hamutuk 87 iha becora sentensa iha 350  preventiva 107  no total hamutuk 457, total prizioneiru husi prizaun rua ne’e hamutuk  544” Direitor ne’e esplika.

“Husi Dadur 544 Ne’e Dadur Ne’ebe Simu Ona Sentensa  78 Porsentu  Sira Be Sei Preventive Ne’e 22 Porsentu, dadur ho idade ki’ik hamutuk na’in 32  no dadur  feto iha na’in 21” Nia haktuir.
Entertanto, dadur estranjeiru ne’ebe hetan kastigu iha prizaun rua ne’e hamutuk na’in 25 ne’ebe mai ho  kazu droga, homisidio no brankeamentu kapital hamutuk na’in 16.

Relasiona ho fatin prizioneiro ne’ebe nakonu, Ministerio Justisa prepara ona konstrusaun iha Municipiu Kovalima ne’ebe kaer husi kompania Mar Vermelha   no sei hari’i mos konstrusaun ba sentru juvenile iha tinan 2016 hodi sai dadur fatin ba sira ne’ebe ho idade ki’ik.( Adry/CJITL)

Noticia relevante seluk kl'ik iha NE'E.

Naran:
email:
Pub

Meteorolojia