17 de Outubru

Raam Punjabi: Hafoin Bioskop, Mehi tuir mai mak TV no Produz Filme iha TL

Dili, Produtor filme konhecidu iha Indonezia, Raam Punjabi ne'ebe mos hanesan Na'in ba Kompania Multivision Plus (MVP) no Parkit Film iha Indonezia iha nia  intervista esklusivo ho CJITL iha Timor Plaza, Sabdu, fim de semana ne'e (4/8), hateten katak hafoin loke bioskop iha fulan Outubro tinan ne'e, nia mehi tuir mai mak loke kanal TV no Produz Filme Timor nian iha rai laran.

Raam Punjabi iha Intervista esklusivo ne'e haktuir katak nia hala'o tiha ona vizita dala lima (5) mai Timor Leste no nia konhece diak tebes kultura nasaun ne'e nian no hakarak promove Timor Leste nia kultura liu husi produsaun filme iha futuro.

Punjabi liu husi parseiru ho Timor Plaza sei hahu Bioskop ou Sinema ho tradusaun lian oin oin inklui Tetum ne'ebe filme sira n'ee sei bele asiste ho Trez Dimensaun (3D) ho folin baratu iha Timor Plaza iha Fulan Outubro tinan ida ne'e liu husi Kompania Platinum Cineplex ne'ebe Raam Punjabi rasik mak hari.

“Sinema mak media ne'ebe lais liu atu muda ema nia karakter moris, liu husi sinema ema bele hatene diak liutan kultura, lingua, no identidade nasaun seluk tan, tan ne'e hau hakarak lori mai Timor Leste Sinema ho dimensaun tolu ne'ebe bele asesu ho folin ne'ebe ladun karun. Ami sei iha salaun rua iha Timor Plaza, salaun ida bele akumula ema 140, konaba folin ami sei deskuti lai ho governu” Raam hateten iha intervista ho lian ingles.

Punjabi mos haktuir katak hafoin loke tiha sinema nia sei hahu atu shooting ou halo nia produzaun filme rasik iha Timor Leste hodi bele introduz ba mundo kultura no identidade nasaun ne'e nian liu husi sinema.

“Hau ohin to'o iha to'o iha Timor Leste, hau hanoin hau ba fali Barcelona iha Spanya, Timor ne'e artistiko tebes no hau senti kontenti tebes bele investe iha Timor Leste” Raam hateten tan.

Prezidente Direitor ba Multivision Plus n'ee mos hateten katak hafoin nia establese sinema ou bioskop iha fulan Outubro, hau nia planu tuir mai mak oinsa establese Kanal Televizaun ida ne'ebe Timor oan sira bele asiste kanal televizaun oin oin ne'ebe fulan ida sei selu deit $10.

“Hau iha ona planu atu hahu filme iha Timor no lori mai Timor filme Hollywood no Bolywood produsaun OSCAR nian” Raam hatan perguntas ikus CJITL nian. (Gil da Silva/CJITL)

Naran:
email:
Pub

Meteorolojia