17 de Outubru

Tilman: Tenki Aprende Tetum

DILI: Lian Tetum hamutuk ho lian Portugues hanesan lian ne’ebé maka konsagra tiha ona iha Konstituisaun RDTL, artigo 13 nuudar lian ofisial nasaun Timor-Leste. Maibé, oras ne’e dadaun estudantes balun deit maka fó sira nia espiritu atu bele aprende. Balun fali la interese ba lian Tetum. Sira interese liu ba lian seluk.

Dosente Universidade Nasional Timor-Leste (UNTL) ne’ebé tau matan ba materia lian Tetum iha Instituto Nasional da Linguistika (INL), Alexandra Tilman hateten, lian Tetum hanesan lian ida ne’ebé maka importante tebes atu estuda. Maibé, iha estudantes balun ne’ebé maka ladun interese ba materia ida ne’e.

“Lian Tetum sai nuudar material ne’ebé maka importante tebes, atu bele implementa iha Ensino Superior. Maske lian Tetum nu'udar ita nia lian rasik, wainhira la hetan forsa para sai nuudar baze legalidade ida, entaun importante tebes atu implementa iha universidade,” dehan Alexandra iha nia kna’ar fatin, UNTL, Dili, Sexta seman kotuk (17/08).

Vantazem husi lian Tetum, tuir Alexandra bele promove ita nia lian rasik iha futuru mai. Tanba nia fiar katak lian rain nain, loron ida sei hatudu nia aan katak, nia serve duni atu implementa iha ninia rain rasik, hodi bele alkansa ita nia lian Tetum ba futuru. “Konaba lian Tetum, agora dadaun ne’e maioria la iha buat ne’ebé maka koalia konaba desvantazem. Maibé, sempre iha vantazem ne’ebé diak no positivo,” nia salienta. CJITL/Amandio

Naran:
email:
Pub

Meteorolojia