24 de Marsu

Tower BAR ho Konviviu Exlusivo Hamutuk Ho DJ JANE KECYA Husi Indonezia

Dili, Hafoin iha Dezembru 2014 taka tiha durante fulan ha’at hodi halo renovasaun, Tower BAR iha loron 10 Abril hahu hikas istima sidade Dili ho konviviu oin oin ne’ebe halo ema hotu iha capital ne’e toba la dukur.

La to’o deit iha ne’e, Tower BAR hamutuk ho nia sponsor maluk Zefra Company, iha terca feira kalan agora (19/5) hahu husi tuku 10.00 kalan to’o dader tuku 04.00 Oras Timor Leste nian sei ofrese konviviu exlusivo ida ba selebrasaun aniversariu dala sanulu resin tolu (13) restaurasaun independensia nasaun ne’e nian.

Iha konviviu especial ne’e, TOWER BAR ho ZEFRA COMPANY konvida tiha ona mai Timor Leste Disk Jockey (DJ) bonita ida husi Indonezia ne’ebe sei halo mutuk Tower Club nia fans sira iha kalan fahe rua ba selebrasaun loron independensia 20 de Maiu nian.

Bainaka Special ne’e mak DJ JANE KECYA husi Bandung, Indonezia ne’ebe durante ne’e toka hale’u Indonezia ho nia Genre EDM ou Electronic Dance Music.

Iha Intervista Exlusivo entre DJ JANE ho Jornalista CJITL iha TOWER BAR, Fatuhada, Dili, Segunda loraik (18/5), Jane hateten katak nia sente honradu tebes ba konvite husi Tower Club ne’ebe konvida atu halo rame sidade capital iha selebrasaun loron restaurasaun Timor Leste nian.

Iha Indonezia, Jane Kecya nu’udar DJ Local Residence iha Makasar no dala barak ona toka haleu rai Indonezia inklui, Bali, Kupang, Ternate no mos DJ iha nasaun vizinho Singapura.

Artista Bandung ne’e hala’o tiha ona nia servisu DJ durante tinan hitu (7) resin molok hetan konvite husi Zefra Company ho Tower Bar atu mai Timor Leste.

DJ Jane to’o tiha ona iha Dili iha Segunda loraik ne’e ho Aviao Garuda no sei fo konviviu special iha Tower Club iha Terca feira kalan semana ne’e (19/5).

Tuir jerente TOWER BAR hateten, festa ne’e sei ba ema hotu ne’ebe hakarak partisipa no sei tama ho tikete $5 nian ba klase ekonomia no $20 ba klase VIP ou iha Andar.

DJ Jane sei hetan akompanyamentu ho Local Residence DJ ANDRA no DJ DUDE SILVA.

Le mos noticia tuir mai atu hatene didiak profile DJ ANDRA nian ne’ebe CJITL sei publika tuir mai iha portal SAPO nian. (CJITL)

Naran:
email:
Pub

Meteorolojia