17 de Novembru

CNE Hein akordaun foun TR konaba lista UNDERTIM

Comisaun Nasional das Eleisoins (CNE) liu husi Prezidente Comisaun, Faustino Cardoso hateten katak problema partidu UNDERTIM sei hein akordaun husi Tribunal Rekursu.

“CNE sei hein hela akordaun ikus liu husi TR, molok ami atu halo kalendariu kampainha eleitoral ba partidu UNDERTIM ninian,tanba sei fo sai kalendariu ba partidu politiku hotu-hotu kona ba kampainha eleitoral” Faustino hateten, Terca feira ne'e (5/6).

Tuir Faustino katak kazu partidu UNDERTIM komplikadu oitoan tan ne'e CNE seidauk simu akordaun foun husi TR, no seidauk simu kalendariu foun husi UNDERTIM.

Tuir akordaun TR ida uluk katak UNDERTIM lakon oportunidade atu tuir eleisaun ,maibe ikus mai L-7 hatudu fali nia disponibilidade assina, nebee TR sei tetu hikas fali rekursu partidu nian.

Partidu UNDERTIM hasoru krize internal ne'ebe hamosu lideransa partidu nian partidu ne'e la hetan aprovasaun husi TR atu tuir kampanye tamba hatama lista rua.

Oras ne'e dadaun Partidu 21 inklui koligasaun sira hahu tiha ona loron primeiru kongresu nian iha Terca feira horseik. (CJITL)

Naran:
email:
Pub

Meteorolojia