Centru Jornalista Investigativo Timor Leste

Durante 2012, Polisia seidauk rejista trafiku droga iha Timor Leste

Sesta-Feira, 21 husi Setembru 2012

Dili, Komandante Servisu Investigasaun kriminal – Polisia Nasional Timor Lorosa'e (PNTL), Calistro Gonzaga hateten durante fulan sia nia laran  iha tinan ne'e SIK seidauk rejista kazu sobre trafiko droga no movimentu droga nian iha rai laran.
 
“Maske to’o oras ne’e dadaun ami seidauk rejista kazu konaba drogas ka buat seluk maibe ami kontinua buka oinsa atu nune’e bele detekta , mas agora ita mantein nafatin tamba ne’e ita nia obrigatoriu, oinsa maka ita bele prevene nomos vizilansia nafatin atu bele detekta movimentus de drogas sira ne’e iha ita nia rai laran”dehan Gonzaga iha nia kna’ar fatin kaikoli Dili ba CJITL.
Gonzaga mos husu ba komunidades inklui sosiedade sivil atu koopera hamutuk ho polisia atu nune’e bele hola medidas ba ema sira nebe komsumo aimoruk drogas iha Timor Leste.

“Ami husu para komunidades ka sosiedade sivil sira kuandu hetan ema balun maka konsumo aimoruk a’at ka droga diak liu informa lalais ba iha polisia atu nune’e bele hola nedida,atu ema sira ne’e ita fo sensaun tamba ne’e maka ita sempre indika fatin sira nebe’e maka risku, fatin sira ne’e iha Dili laran barak, iha fatin Diskotika, fatin praias sira ne’e, nebe ita sempre vizilansia hela para atu bele halo elaborasaun ho sistema sira ne’e”hatutan Gonzaga(CJITL/Benjamin-Pascoal)