24 de Outubru

Governu Halo Tan Pagamentu ba Kompanhia Mar Vermelha Ba Obra Iha Covalima

Dili- Direitor Administrasaun Finansa Ministerio Justisa (DNAF-MJ) Crisogno da Costa Neto hateten kompanhia Mar Vermella simu ona pagamentu  segunda fase ho osan montante USD$ 274,598.00 dollar, husi konstrusaun komarka foun iha Municipiu Covalima ne’ebe atinji ona porsentu ualo nulu (80%).

Ba reporter CJITL iha nia Edifisio Miniterio Justisa, Mandarin sexta.(18/05/2015), Director ne’e hatutan total orsamentu ne’ebe mak Ministeriu Justisa fo ba kompañia Mar Vermella atu harii komarka foun iha Suai, mak hanesan, pagamentu primeira faze ho total osan millaun USD$ 410.865.53 ne’ebe selu iha fulan Dezembru 2014, no pagamentu segunda faze selu iha fulan Maio ne’e nia laran ho total  osan millaun USD$ 274.598.00. Total orsamentu ne’ebe  Mar Vermella simu mak millaun USD$685.463.353, no sei iha saldo USD$ 390.902.25.

Antes kompanhia mar vermella kaer obra ne’e, kompañia ne’e rasik tenki halo kompetisaun ho kompañia internasional balu, liu husi porsesu tenderizasaun husi Comissaun Nasional do Aprovisionamentu (CNA) hodi  implementa kontratu ba kompañia refere, maibe relasiona ho asuntu ne’e besik fulan ida ona reporter CJITL tenta atu halo entervista ho Direktor CAN,  Aniceto do Rosario iha nia servisu fatin maibe Direitor ne’e sempre ses an husi jornalista.

Iha parte seluk membru Parlamentu Nasional husi komissaun  A ne’ebe trata assuntu Constitucionais, Justiça, Administração Pública, Poder Local e Anti-Corrupção, Arão Noel lamenta ho obra ne’e tanba to’o kontrusaun ne’e besik remata laiha kuadru avisu kompañia nian ne’ebe hakerek hodi esplika orsamentu hira mak gasta ba konstrusaun ne’e rasik. Adry CJITL (Email: alumni.timor@gmail.com)

Noticia seluk ne'ebe relevante, clik iha NE'E.

Naran:
email:
Pub

Meteorolojia