28 de Juñu

Horta Apela Liafuan Ida Ne’e Ba Mauk Moruk ho L-7

Dili, Laureado Nobel da Paz, José Ramos Horta liu husi hasoru malu ho Atual Prezidente da Republika Taur Matan Ruak iha Palasio  Presidente Ai Tarak Laran Dili, apela ba Paulino Gama alias Mauk Moruk ho Cornelio Gama alias L-7 atu husik ailaran no tun mai vila ho garantia dialogu ho estado.

Iha hasoru malu ne’e, Eis Prezidente Republika ne’e hato’o mos nia rezultado hasoru malu ho L-7 iha Laga,Baukau no Horta apela ba grupo ne’e katak laiha veteranus ida ne’ebe importante liu Taur Matan Ruak ho Lere Anan Timur iha Timor laran, ho nune’e husu mos ba Mauk Moruk  atu tun mai Dili ho garantia atu halo dialogu.

“Hau rasik halo apelu ba Mauk Moruk ho L-7 katak diak liu simu Presidente da Republika no tun mai Dili ho garantia atu halo dialogu.”Hateten Ramos.

Objetivo hasoru malu ne’e mos hanesan oportunidade husi Ramos Horta hodi aprezenta nia relatoriu serbisu ba Xefe Painel Independente Alto Nivel Nasoens Unidas no Operasoens ba Paz ne’ebe remata ona ho  susesu.

Ramos Horta vizita hikas Palacio ne’ebe uluk nia servisu ba ne’e  iha Segunda Feira, 29/06.  

Alende ne’e Eis Presidente ne’e mos fo apresiasaun ba Taur Matan Ruak nia serbisu ne’ebe  durante ne’e halo, liu -  liu vizita ba suku atus tolu resin iha teritoriu Timor laran.

“La iha Prezidente ida iha mundu ne’e lao haleu nasaun tomak hanesan PR Taur matan Ruak halo” Horta Remata. (Barreto/CJITL)

Naran:
email:
Pub

Meteorolojia