Centru Jornalista Investigativo Timor Leste

Januario Pereira Triste ho Komunidade Kaikoli, PNTL Kaptura Ona Suspeitu

Kuarta-Feira, 30 husi Novembru 2011

Januario Pereira, Sekertariu Estadu Eletrisidade Aqua no Urbanizasaun (SEEAU), laran tristi ba hahalok komunidade balun iha Kaikoli, Dili ne’ebe tesi ai hodi monu konaba fiu eletrisidade hodi fo impaktu ba ahi mate iha area importante iha kapital Dili.

“Hahalok ne’e hanesan sabotazen, ne’ebe hau haruka polisia atu kontrola ba komunidade hotu atu labele tesi ai arbiru besik iha fiu. Diak liu kontaktu ba fungsionairu EDTL sira”dehan Januario.

Tamba ne’e, Januario husu ba komunidade ne’ebe besik iha lina detensaun atu ta’a ai karik kontaktu ba teknika EDTL mak mai tesi ai.

Komandate Polisia Distrito Dili Pedro Belo iha fatin akontesemento ne’e mos hateten katak, suspeto nai rua ne’e Polisi kaptura iha nia rejidensia no agora iha ona sela hodi halo investigasaun.

“suspeito nai rua mak ami kaer ona ne’e ida uma nain no ida uma nain haruka ta’a ai ne’e ami sei halo investigasaun,”dehan Pedro Belo. (Amandio Magno/CJITL)