26 de Setembru

Mauk Moruk Lakohi Entrega an, Ida ne’e Mak L-4 Nia Mensajen ba PNTL ho FFDTL

Dili, Reasaun oin – oin hasoru Mauk Moruk ho nia grupo kontinua aumenta, Forca Polisia Nasional Timor Lorosa’e – PNTL ho Falintil Forca Defeza Timor Leste – FFDTL ne’ebe involve iha Komando Operasaun Konjunta kontinua la’o, tuir mai ne’e mensajen husi Andre da Costa alias L-4 relasiona ho operasaun refere.

iha entervista esklusivu entre jornalistas, L- hateten katak, husu  PNTL  ho F-FDTL  lalika lori fali kilat ho equipamentos kroat hodi halo agresaun hasoru Mauk Moruk.

 “Maun Mauk Moruk  ba ai laran ne’e la’os tamba familia maibe tamba politiku, maun Mauk Moruk ba ne’e relasaun familia laiha, nia durante iha kadeia, no sai husi kadeia, primeiro lahatene los ninia hakarak nee saida, i segundu ha’u hanoin problema ruma governo la konsege resolve tamba ida ne’e mak nia deskontete halai ba ailaran.  Ne’ebe agora buka meios oinsa mak atu bele bolu fali maun Mauk Moruk mai governo mak tenke buka meios ho aproximasaun la’os ho kilat bo’ot”L-4 hateten.

 “Se Mauk Moruk ita konsidera hanesan inimigu  prontu ho agresaun fisiku ne’e  hanesan ita nia inimigu hanesan uluk funu karik ita nia inimigu, Mauk Moruk ita konsidera ita nia maluk Timor oan, entaun buka meios oinsa mak bele buka mauk moruk fila fali mai para hatan ba justisa” Dehan L-4.

To’o noticia ne’e hatun operasaun konjunta kontinua la’o ni laiha serteza Mauk Moruk ho nia grupu atu entrega an bainhira maske aproximasaun seluk F-FDTL halo ona ho familia no eis gerileiru sira seluk iha Quarter Jeral Forca nian iha semana kotuk. (Farrya/CJITL)

Naran:
email:
Pub

Meteorolojia