26 de Maiu

Oficiais Ministeriu Saude; Tenderizasaun Sosa Aimoruk Ne’e SEGREDU

Dili- Relasiona ho Tenderizasaun ne’ebé maka halao husi Diresaun Nasional Gestào Finanseira no Aprovisionamentu (DNGFA), ne’ebé halo Públikasaun konabá fornesimentu Aimoruk ho Cosumables Medico ba Ministeriu Saude Timor Leste (IFB NO: RDTL-MS-DNGFA-NCBA-15-032) no Prepara Manutensaun no Reparasaun Kareta ba Ministeriu da Saude (IFB No. RDTL-MS-DNGFA-ICB-15-011), Direitur Nasional Gestào Gestào Finanseira no Aprovisionamentu (GFA) , Marcelo Amaral hateten, kompetisaun ne’e ema labele hatene uluk to’o ona aban bain rua se maka manan ona bele buka tuir nia plafon.

Nia mós husu ba kompania sira katak, kontratu ne’e  bazeia ba ninia presu unitaria  tamba ne'e buat hotu sei segredu.

Direitur ne’e esplika tan katak, hadia kareta ezemplu hadia item ida to’o lima ne’e hakerek ida to’o lima haruka nia hadia, bainhira nia hadia ona bazeia ba ninia kontratu ne’e hare ba ninia kustu unitariu.

Nia mós hatutan tan katak, agora kontratu ida ba Aimoruk labele fo sai ninia plafon tambá iha hela prosesu kontratu se lae aban bain rua bele prejudika ema seluk.

“Hau seidauk bele direita hatene maibé bele husu ba iha departamentu aprovisionamentu bele hare iha ne’ebá maibé tuir hau nia hare kompania hitu maka agora dadaun iha registu hela” dehan nia ba Reporter CJITL iha ninia Edificioa Kaikoli Oras Tuku 09:40 OTL, Segunda (04/05).

Aliende ne’e nia mós hateten katak, kompania sira agora dadauk ne’e tama hotu, agora iha aimoruk sira menus husi ninia montante  1 miloens maka ami halao iha ne’e aimoruk sira ne’ebé montante mais 1 miloens ne’e ami haruka ba komisaun aprovisionamentu nasional maka halo agora dadauk sira halao hela item ida hoo ninia montante kuaze mais 3,5 miloens.

Direitur Nasional GFA husu labele fo sai uluk orsamentu tambá sei faze kompetisaun ne’e ema labele hatene uluk ida ne’ebé manan ona bele buka tuir nia plafon la buat ida maibé iha ninia prosesu ne’e labele tenderizasaun ba públiku ohin taka ne’ebé hein nia rezultadu ikus. (Barros/CJITL)

Naran:
email:
Pub

Meteorolojia