Centru Jornalista Investigativo Timor Leste

Vicente Guterres eleitu ba Prezidente PN Periodu 2012 – 2017

Tersa-Feira, 31 husi July 2012

Deputado Vicente da Silva Guterres husi bankada Conselho Nasional Rekonstrusaun de Timor (CNRT) eleitu hanesan Prezidente Parlamentu Nasional – PN ba periodu 2012 – 2017.

Vicente Guterres eleitu liu husi votasaun iha plenaria PN, Terca feira semana ne'e ho votus afavor hamutuk  40, votus branco hamutuk 13, Abstensaun 7, Kontra 3 no  Votus Nulu 2 husi deputado nain 65 ne'ebe tuir votasaun, Terca feira ne'e (31/7).

Dadaun ne'e bloku koligasaun CNRT, PD no Frenti Mudanca iha deputado hamutuk nain 40 iha PN.

Vicente nu'udar Timor oan ho natural husi Sub Distritu Venilale, Distritu Baucau.

Antes ne'e iha segundo legislatura, Vicente Guterres toma kargu hanesan Primeiru Vice Prezidente Parlamentu Nasional. (CJITL)